Ֆրանսիայի վարչապետն ու ԱԳ նախարարը կոչ են արել երկրորդ փուլում քվեարկել Մակրոնի օգտին
23:07 | 2017-04-23
Ֆրանսիայի վարչապետ Բեռնար Կազնյովը կոչ է արել ժողովրդավարական տրամադրություններով բոլոր ֆրանսիացիներին ընտրությունների երկրորդ փուլում քվեարկել էկոնոմիկայի նախկին նախարար Էմանուել Մակրոնի օգտին։ Այս մասին հայտնում է RIA Novosti-ն։
Համանման դիրքորոշմամբ է հանդես եկել նաև երկրի արտգործնախարար Ժան-Մարկ Էյրոն. «Ակնհայտ ընտրություն. բոլոր ձախերը, բոլոր հանրապետականները պետք է մոբիլիզացվեն՝ քվեարկելու Է.Մակրոնի, Ֆրանսիայի, Հանրապետության, Եվրոպայի օգտին»,-գրել է Էյրոն Twitter-ի իր միկրոբլոգում։
Մակրոնի օգտին քվեարկելու կոչ են հնչեցրել նաև ընտրություններում պարտված Ֆրանսուա Ֆիյոնն ու Բենուա Ամոնը։