Փարիզի կենտրոնում բողոքի երթ է սկսվել՝ ընտրական նախնական արդյունքների հրապարակումից հետո
22:55 | 2017-04-23
Փարիզում՝ Բաստիլի հրապարակում, բողոքի երթ է սկսվել նախագահական ընտրությունների առաջին արդյունքների հրապարակումից հետո։ Այս մասին հայտնում է RIA Novosti-ն։
Երթևեկությունը լիովին դադարեցված է։ Տեղեկություններ են ստացվում ոստիկանության կողմից ծխանռնակների կիրառման մասին։
Ըստ նախնական տվյալների՝ «Առաջ» շարժման առաջնորդ Էմանուել Մակրոնը ստացել է 23.8 տոկոս ձայն։ Մարին լե Պենը հավաքել է 21.6, Ֆրանսուա Ֆիյոնը՝ 20.3, Ժան-Լյուկ Մելանշոնը՝ 19.6 տոկոս ձայն։