Պաղեստինցին Թել Ավիվի կենտրոնում դանակով վիրավորել է 4 մարդու
19:42 | 2017-04-23
Դանակով զինված պաղեստինցին Թել Ավիվում հարձակվել է մարդկանց վրա։ Դեպքը տեղի է ունեցել քաղաքի հյուրանոցներից մեկում։ Հարձակման հետևանքով վիրավորվել է 4 մարդ։ Այս մասին հայտնում է RIA Novosti-ն։
18-ամյա պաղեստինցին ձերբակալվել է։
«Քննությունը պարզել է, որ նա գործել է ազգայնական համոզմունքներից ելնելով»,-ասվում է ոստիկանության հաղորդագրությունում։
Իսրայելի ոստիկանությունը հարձակումը ճանաչել է որպես ահաբեկչություն։