Մեքսիկայում անկարգություններ են սկսվել թմրակարտելի առաջնորդներից մեկի սպանությունից հետո
09:54 | 2017-04-23
Շաբաթ երեկոյան Մեքսիկայի Տամաուլիպաս նահանգի Ռեյնոսա քաղաքում զանգվածաբար ճանապարհներ են փակվել, հրդեհներ են արձանագրվել զինվորականների հետ բախման ժամանակ Cartel del Golfo թմրակարտելի առաջնորդներից մեկի՝ Խուլիան Լոյսա Սալինասի ոչնչացումից հետո: Այս մասին հայտնում է RIA Novosti-ն՝ հղում անելով նահանգի անվտանգության ուժերի ներկայացուցիչ Լուիս Ռոդրիգես Սուարեսին:
«Կոմանդանտե Ցուլ» մականունով Լոյսային զինվորականները սպանել են Ռեյնոսայում շաբաթ վաղ առավոտյան: Նա Տամաուլիպասում ամենաորոնվող հանցագործների թվում էր:
«Մենք 32 շրջափակում ենք հաշվել (ճանապարհների), դրանցից 11-ը կազմակերպվել է մեքենաներ այրելու միջոցով, եղել է առևտրի կետերի 9 հրկիզում, նաև 18 ամայի վայր է հրկիզվել»,- լրագրողներն ասել է Սուարեսը:
Տամաուլիպաս նահանգի ՆԳՆ-ը քաղաքացիներին զգուշացրել է Ռեյնոսա չայցելել Սալինասի ոչնչացումից հետո իրավիճակի կտրուկ սրման հետ կապված: