Միջազգային հանրությունը կարող է միայն առաջարկել, բայց չի կարող լուծում պարտադրել. Զալբերը՝ ԼՂ հիմնահարցի մասին
18:11 | 2017-04-21
Արցախյան հակամարտությունը պետք է լուծվի խաղաղ ճանապարհով, առանց ռազմական ուժի կիրառման, դա ծայրահեղ կարևոր է: Այս մասին Trend գործակալությանը տված հարցազրույցում հայտարարել է Հարավային Կովկասի հարցերով ԵՄ-ի ներկայացուցիչ Հերբերտ Զալբերը:
Զալբերը Ադրբեջան կատարած այցի շրջանակներում երկրի ղեկավարության հետ քննարկել է ԼՂ հակամարտության հարցում վերջին փոփոխությունները: Նա հիշեցրել է, որ Եվրամիությունը ուղիղ միջնորդ է հանդիսանում արցախյան հակամարտությունում, բայց ամբողջությամբ աջակցում է ԵԱՀԿ Մինսկի խմբի ջանքերին:
«Չնայած միջնորդների հասցեին քննադատությանը՝ որոշում պետք է կայացնեն հակամարտող կողմերը: Միջազգային հանրությունը կարող է միայն խորհուրդ տալ կամ առաջարկել, սակայն չի կարող լուծում պարտադրել: Հակամարտության քաղաքական կարգավորում հնարավոր է ձեռք բերել միայն կրակի դադարեցման ռեժիմը հարգելու միջոցով»,-ասել է Զալբերը: