Եթե Բաքվում կալանքի տակ պահվող բլոգեր Ալեքսանդր Լապշինը դատապարտվի Ադրբեջանում, Իսրայելը կփորձի հասնել նրան, որ նա պատիժը կրի Իսրայելում: Այդ մասին Interfx-ին տված հարցազրույցում հայտարարել է Իսրայելի արդարադատության նախարար Աելեթ Շաքեդը՝ Մոսկվա այցի արդյունքներով: «Մենք գործադրել ենք և շարունակում ենք գործադրել ջանքեր, որպեսզի օգնենք Լապշինին, որը և՛ Ռուսաստանի, և՛ Իսրայելի քաղաքացի է: Եթե նա դատապարտվի Ադրբեջանում, մենք կփորձենք հասնել նրան, որպեսզի նա պատիժը կրի Իսրայելում»,-ասել է Շակեդը: Հիշեցնենք, որ Լապշինը ձերբակալվել է Մինսկում 2016 թվականի դեկտեմբերին և Ադրբեջանի դիմումի համաձայն արտահանձնվել է Բաքվին, որտեղ նրամ սպառնում է մինչև 8 տարվա ազատազրկում Արցախ այցելությունների համար: