Ռուսաստանի, Հայաստանի և Ադրբեջանի արտաքին գործերի նախարարների հանդիպումը կարող է տեղի ունենալ Մոսկվայում ապրիլի 27-ին: Այս մասին հաղորդում է ադրբեջանական APA գործակալությունը՝ հղում անելով դիվանագիտական աղբյուրներին։ Ավելի վաղ նման հանդիպման հավանականության մասին հայտարարել էր Ադրբեջանի արտաքին գործերի նախարարը։ Ապրիլի 19-ի ասուլիսի ժամանակ ՌԴ ԱԳՆ խոսնակ Մարիա Զախարովան իր հերթին հաստատել է, որ եռակողմ հանդիպում ակնկալվում է։