Facebook սոցցանցի հիմնադիր Մարկ Ցուկերբերգը խոստացել է, որ ընկերությունը ամեն հնարավոր բան կանի, որ կանխի Քլիվլենդում ողբերգության նման դեպքերը, երբ տղամարդը սոցցանցում սպանության հեռարձակում էր ցուցադրում: Այդ հայտարարությունը նա արել է այսօր Կալիֆոռնիայի Սան Խոսե քաղաքում ասուլիսի ժամանակ: «Մենք դեռ շատ անելիքներ ունենք, և շարունակելու ենք անել ամենը, ինչ որ մեր հնարավորությունների սահմաններում է, որպեսզի կանխենք նման ողբերգությունները»,- ասել է Ցուկերբերգը: Նա նաև ցավակցություն է հայտնել սպանված տարեց մարդու հարազատներին: Հիշեցնենք, որ Քլիվլենդում Սթիվ Սթիվենս անունով տղամարդը Facebook սոցցանցի ուղիղ եթերում սպանել է 74-ամյա Ռոբերտ Գոդվինին: