Չինաստանի մայրաքաղաքի հասարակական զուգարաններում կհայտնվի այցելուների դեմքը ճանաչող էլեկտրոնային համակարգ զուգարանի թուղթ տալու համար` հիգիենայի առարկաների հաճախակի գողությունների կանխարգելման նպատակով: Այդ մասին հայտնում է CNBC News-ը: Զուգարանի յուրաքանչյուր այցելու այժմ կարող է ստանալ միայն 60-70 սմ չափսի թուղթ մեկ անգամվա համար: Հաջորդ անգամ սարքը կաշխատի միայն 9 րոպե անց: Հաղորդվում է, որ զուգարանի այցելուն պետք է դեմքով կանգնի պատի վրա ամրացված դեմքը ճանաչող էլեկտրոնային սարքի դիմաց և հանի գլխարկն ու ակնոցները: Նշվում է, որ այդ համակարգը երեք հասարակական զուգարաններում արդեն տեղադրվել է: