Ավելի քան 400 հազար մարդ մնում են պաշարման մեջ Սիրիայի Արևելյան Գուտա բնակավայրում, որտեղ ակտիվացել են բախումները, երկուշաբթի օրը հայտնել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը: «Մենք ծայրահեղ անհանգստացած ենք ավելի քան 400 հազար մարդկանց անվտանգության և պաշտպանության համար, ովքեր մնում են պաշարման մեջ Արևելյան Գուտայում: Վերջին շաբաթվա ընթացքում հաղորդագրություններ են ստացվել Արևելյան Գուտա շրջանում ինտենսիվ բախումների մասին, որոնք հանգեցրել են խաղաղ բնակիչների մահվան և վիրավորվելուն, ինչպես նաև քաղաքացիական ենթակառուցվածքների վնասների»,- ասել է Դյուժարիկը ճեպազրույցի ընթացքում: ՄԱԿ-ը հնարավորություն չունի գնահատելու այդ բնակավայրում իրավիճակը, քանի որ վերջին անգամ համաշխարհային կազմակերպությունը այնտեղ է այցելել 2016 թվականի հոկտեմբերի վերջին: «ՄԱԿ-ը հակամարտության բոլոր կողմերին կոչ է անում խնայել խաղաղ բնակիչներին և քաղաքացիական ենթակառուցվածքները, ապահովել անխոչընդոտ, պարբերական և առանց պայմանների հասանելիություն Սիրիայի բոլոր կարիքավոր մարդկանց: Դա ներառում է Արևելյան Գուտայի մի քանի շրջանների հասանելիության համար վերջերս արված հարցումները»,- ասել է Դյուժարիկը: