Ստամբուլում կայացել է Էրդողանի մասին ֆիլմի պրեմիերան
20:48 | 2017-02-27
Ստամբուլում կայացել է Թուրքիայի նախագահ Ռեջեփ Էրդողանի մասին պատմող «Առաջնորդը» գեղարվեստական ֆիլմի պրեմիերան՝ տեղեկացնում է TRT հեռուստաընկերությունը:
Ֆիլմում մասնավորապես ներկայացվում է Թուրքիայի առաջնորդի մանկությունը, Ստամբուլի քաղաքապետարանում նրա աշխատանքը, 1997թ. միջկրոնական վեճեր հրահրելու մեղադրանքով նրա չորսամսյա բանտարկությունը:
Ֆիլմի նկարահանումները ընթացել են Ստամբուլում, Քըրքլարելիում և Հյուսիսային Կիպրոսում: Ֆիլմը էկրան կբարձրանա մարտի 3-ին: