ԱԺ քառօրյա նիստում այսօր ՀԱԿ խմբակցության քարտուղար Արամ Մանուկյանն իր ելույթում, անդրադառնալով Լևոն Յոլյանի՝ ՎՊ նախագահի թեկնածությանը, նշեց, որ բոլոր ելույթներում խոսվում է նրա՝ լավ մարդկային կերպարի ու կենսագրության մասին. «Ձեր մեջ էլ կան նստած շատ լավ մարդիկ, սակայն իրենց գործառույթները չեն անում: Լևոն Յոլյանին պետք է համարձակություն՝ առկա խնդիրների վերհանման ու լուծման համար»: Պատգամավորը խոսեց կոռուպցիայի մասին՝ նշելով, որ այն մեր երկրում համատարած է, առկա է բոլոր ոլորտներում, և ընդգծելով, որ կոռուպցիայի դեմ պայքարը պետք է լինի ՎՊ գործունեության թիրախը: Անդրադառնալով ներդրումների խնդրին, Մանուկյանը նշեց. «Էս երկիրն արդեն վստահելի չէ. ոչ ոք չի ուզում փող դնել»: Մանրամասները՝ տեսանյութում: